My daughter’s 2 year-old birthday cake

HAPPY BIRTHDAY TO DAHLINA

ដើររើស​គ្រាប់កៅឡាក់ – chestnut

គ្រាប់កៅឡាក់ពេល​បកហើយ។ រើសបានមួយកញ្ច្រែង!!!

ផ្លែសុទ្ធតែ​បន្លា

លីណា​និង​វិចិត្រពេល​ដើរ​រើស​គ្រាប់កៅឡាក់

សប្បាយណាស់!!!!

ដើមគ្រាប់កៅឡាក់

ដំណើរកំសាន្តទៅបាត់ដំបង

អ្នកតាដំបងដែក

Dance With My Father – រាំជាមួយឪពុកខ្ញុំ

Back when I was a child Before life removed all the innocence My father would lift me high And dance with my mother and me and then . Spin me around till I fell asleep Then up the stairs he would carry me And I knew for sure I was loved If I could get another chance Another walk, another dance with him I’d play a song that would never, ever end How I’d love, love, love to dance with my father again Ooh, ooh When I and my mother would disagree To get my way I would run from her to him He’d make me laugh just to comfort me, yeah, yeah Then finally make me do just what my mama said Later that night when I was asleep He left a dollar under my sheet Never dreamed that he Would be gone from me If I could steal one final glance One final step, one final dance with him I’d play a song that would never, ever end ‘Cause I’d love, love, love to dance with my father again Sometimes I’d listen outside her door And I’d hear her, mama crying for him I pray for her even more than me I pray for her even more than me I know I’m praying for much too much But could You send back the only man she loved I know You don’t do it usually But Lord, she’s dying to dance with my father again Every night I fall asleep And this is all I ever dream

សំលឹងមើលទៅកាលពីកុមារភាព មុនពេលដែលខ្សែជីវិតដែលក្មេងខ្ចីបានរំលងទៅ ឪពុកខ្ញុំធ្លាប់លើកខ្ញុំឡើងខ្ពស់ ហើយរាំ​ជាមួយម្តាយខ្ញុំនិងខ្ញុំ . ហើយបន្ទាប់មកគាត់បង្វិលខ្ញុំរហូតខ្ញុំគេងលក់។ ពេលឡើងជណ្តើរគាត់តែងពរខ្ញុំ។ ខ្ញុំដឹងប្រាកដថា គាត់ស្រលាញ់ខ្ញុំ។ ប្រសិនបើខ្ញុំមានឱកាសម្តងទៀត បានដើរម្តងទៀត បានរាំជាមួយគាត់ម្តងទៀត ខ្ញុំនឹងចាក់ចំរៀងណាដែលគ្មានទីបញ្ចប់ នេះជាទំហំនៃចិត្តរបស់ខ្ញុំដែលចង់រាំជាមួយ​ឪពុកខ្ញុំម្តងទៀត។ Ooh, ooh ពេលដែលខ្ញុំនិងម៉ាក់មិនចុះសម្រុងនឹងគ្នា ម៉ាក់មិនតាមចិត្តខ្ញុំ ខ្ញុំតែងរត់ចេញពីគាត់ទៅរកឪពុកខ្ញុំ ឪពុកខ្ញុំធ្វើអោយខ្ញុំសើចដើម្បីលួងចិត្តខ្ញុំ ហើយចុងបញ្ចប់គាត់បញ្ចុះបញ្ចូលអោយខ្ញុំ​ធ្វើតាមអ្វីដែលម៉ាក់ប្រាប់។ ក្រោយមកនៅយប់នោះពេលខ្ញុំគេងលក់ គាត់បានទុកដុល្លាក្រោមភួយរបស់ខ្ញុំ។ ខ្ញុំមិនដែលស្រម័យថា នឹងមានថ្ងៃបែកពីគាត់ឡើយ។ ប្រសិនបើខ្ញុំអាចលួចក្រលេកមើលជាចុងក្រោយបានម្តង អាចរាំជាចុងក្រោយបានម្តងទៀតជាមួយឪពុកខ្ញុំ ខ្ញុំនឹងចាក់ចំរៀងណាដែលគ្មានទីបញ្ចប់ ព្រោះខ្ញុំចង់រាំជាមួយឪពុកខ្ញុំម្តងហើយម្តងទៀត។ ពេលខ្លះខ្ញុំស្តាប់ពីក្រៅទ្វារបន្ទប់ម្តាយខ្ញុំ ខ្ញុំលឺសំលេងម៉ាក់ ម៉ាក់យំនឹកប៉ា។ ខ្ញុំជួយបន់ស្រន់អោយម៉ាក់ច្រើនជាងខ្លួនឯង។ ខ្ញុំជួយបន់ស្រន់អោយម៉ាក់ច្រើនជាងខ្លួនឯង។ ខ្ញុំដឹងថាខ្ញុំកំពុងបន់ស្រន់ច្រើនឡើងៗ រាល់យប់ពេលគេងលក់ ថាតើព្រះអង្គអាចផ្តល់អោយខ្ញុំវិញនូវ​បុរស​តែម្នាក់​គត់​ដែល​គាត់​ស្រលាញ់បានទេ? ខ្ញុំដឹងថាព្រះអង្គមិនធ្វើរឿងបែបនេះជារឿយៗទេ តែព្រះអង្គអើយ ម៉ាក់ចង់រាំជាមួយប៉ាម្តងទៀត​ស្ទើរ​ស្លាប់ទៅហើយ។ នេះជាង្វីដែលខ្ញុំតែងតែយល់សុបិនឃើញមិនដែលខាន។

ថ្ងៃបុណ្យឯករាជ្យរបស់បារាំងនៅរ៉ែន – ១៤​ កក្កដា​

នៅ​រ៉ែន​គេ​ធ្វើ​ពិធី​ព្យុហយាត្រាដើម្បី​អប​អរ​ថ្ងៃ​បុណ្យ​ឯករាជ្យ​របស់​បារាំងតាំង​​ពី​​ល្ងាច​ម្សិល​មិញ​ម៉្លេះ ហើយ​ពេល​យប់មាន​បាញ់​កាំជ្រួចទៀត​។ កាំជ្រួច​ស្អាត​ដល់​ហើយ! គេបាញ់​តាម​ចង្វាក់​ភ្លេង​ទៀតផង។ ជា​ធម្មតា​ខ្ញុំ​ចូលចិត្ត​មើល​កាំជ្រួច​ណាស់។ អោយតែ​ដឹង​ថាមាន​បាញ់កាំជ្រួច គឺ​ទៅចង់មុង​ចាំ​ហើយស្រេច។ អាណិត​តែ​ កូន​ស្រី​ទេ! ខំ​នៅ​ចាំ​មើល​ដែរតែ ដល់ពេលគេ​ចាប់​ផ្តើម​បាញ់ លក់​បាត់​ទៅ​ហើយ! ទោះ​បី​ស្នូរ​កាំជ្រួចចង់​រង្គើមេឃក៏​មិន​ខ្ចី​ភ្ញាក់ដែរ!។ ទំរាំ​តែ​គេ​បាញ់​ទាល់​តែ​ម៉ោង​ជាង​១១យប់ឯណោះ!! ព្រោះមេឃ​ទាល់​តែ​ថ្មើរហ្នឹងទើបងងឹត!។

រូបថតទាំង​អស់​នេះ​ថត​ដោយប្តី​ខ្ញុំ វិចិត្រ។ មានតែ​រូប​ថត​មួយ​ដែល​ខ្ញុំ​ជាអ្នក​ថត។

ធ្វើម៉េចអោយនាង​ព្រមពាក់​របាំងមុខ(MASK)ពេលជិះយន្តហោះ?

ពិបាកចិត្ត​ដល់​ហើយ នៅតែ១អាទិត្យទៀត​ដល់​ពេល​ធ្វើ​ដំណើរ​ហើយ! អ្នក​ផ្ទះ​ផ្តាំ​ថាអោយ​ពាក់ម៉ាស់គ្រប់គ្នា ព្រោះខ្លាច​ជំងឺ​ថ្មី។ តែ​គិត​មិន​ចេញ​សោះ​មិន​ដឹង​ថា លីណា(កូនស្រី​ខ្ញុំ អាយុជិត២ឆ្នាំ) ព្រមពាក់រីអត់?! មានបង​ប្អួនណា​ធ្លាប់​មាន​បទ​ពិសោធនេះទេ? ចែកគ្នា​ដឹងផង​ថា​ត្រូវ​ធ្វើ​យ៉ាង​ម៉េច? ត្រូវ​ប្រើ​សិល្ប៍វីធី​យ៉ាងណា​សំរាប់​បញ្ចុះ​បញ្ចូល?

ខ្ញុំធ្លាប់ត្រូវបានគ្រូពេទ្យជំរុញអោយធ្វើការរំលូតកូន

អត្ថបទ​នេះ​​មិន​មែន​ជាការ​វាយ​ប្រហារ​ដល់​គ្រូ​ពេទ្យដែលមាន​ក្រម​សីលធម៌​វីជ្ជាជីវៈត្រឹមត្រូវនោះទេ។ នេះជាបទពិសោធ​ផ្ទាល់​របស់​ខ្ញុំមួយដែល​ខ្ញុំចង់​ចែក​រំលែក​ជូន​ស្ត្រី​ទាំងអស់​ដែល​មាន​គត៌ ទុកជា​ការពិចារណា​មុន​នឹង​ធ្វើ​ការ​សំរេច​ចិត្តអ្វី​មួយទាក់​ទង​ទៅ​នឹងគត៌​របស់​ខ្លួន។

ក្រោយពីរៀបការបាន៧ខែ ខ្ញុំនិងស្វាមីសំរេចចិត្តមានកូនដំបូង។ខ្ញុំ​ជាស្ត្រីដែលមានរដូវ​មិន​ទៀង​​ទាត់។ ​​ខ្ញុំ​ក៏​បាន​ប្រើ​ឧបករណ៍​​ពិនិត្យ​ទឹកនោម​រៀងរាល់​១អាទិត្យ​ម្តង​ដើម្បី​ អោយ​ដឹង​ថា​មាន​​ផ្ទៃ​ពោះ​រឺ​នៅ។ ក្រោយ​មក​ប្រហែល​ជា​១ខែ ខ្ញុំក៏មាន​ផ្ទៃ​ពោះមែន។ តែ​ខ្ញុំ​ប្រាកដ​ថា​គត៌នោះ​អាយុ​មិន​លើស​ពី១ខែទេ។ ខ្ញុំក៏ទៅពេទ្យ (កាល់ម៉ែត) នៅថ្ងៃទី២​កុម្ភៈ២០០៧។ ដោយបំណងចង់បាន​ដំបូន្មាន​ពីគ្រូពេទ្យ​អំពីវិធីរក្សា​គត៌។  អ្នកគ្រូពេទ្យម្នាក់នោះសួរពីរដូវចុងក្រោយរបស់ខ្ញុំ។ ខ្ញុំថារដូវចុង​ក្រោយ​​របស់​ខ្ញុំ​អស់​តាំងពីថ្ងៃទី២៥តុលា២០០៦ មក​ម៉្លេះ ហើយ​ខ្ញុំ​បាន​ប្រាប់​គាត់​ពី​ការ​ពិនិត្យ​​ទឹកនោម​​ដើម្បី​​អោយ​ដឹង​ថា​មាន​​ផ្ទៃ​ពោះ​នេះ។ តែ​គាត់​ដូចជា​មិន​រវល់​ស្តាប់​សោះ គាត់​គិត​តែ​ផ្ទៀងផ្ទាត់​​តារាង​គត៌។ គាត់​និយាយ​ថា​គត៌​នេះ អាយុជាង៣ខែហើយម៉េច​ក៏​ពោះ​មិន​ទាន់​ខ្ទៀត​​ទៀត?​​ ហើយក៏អោយខ្ញុំទៅ​ពិនិត្យអេកូ។ ពេលឃើញលទ្ធផល គាត់ថាកូនខ្ញុំជាប្រភេទកូនពង មិនលូតលាស់ត្រូវ​ប្រញ៉ាប់​យកចេញ ហើយ​គាត់​ក៏​អោយ​លេខ​ទូរស័ព្ទ​ទាក់ទង​ដើម្បី​រំលូតកូននោះ។ ឥឡួវកូនខ្ញុំមានអាយុ១ឆ្នាំ​២១ខែ​ហើយ​ នាងមានសុខភាពល្អណាស់។ ហេតុអ្វីបានជា អ្នកគ្រូ​ពេទ្យ​ម្នាក់​នោះ​ហ៊ាន​សន្និដ្ឋានបែប​នេះ គ្រាន់តែពិនិត្យលើកទី១សោះ ដោយមិនតាមដានអោយបានច្បាស់លាស់សិន?

កូនស្រីខ្ញុំ ដាលីណាពេល​បច្ចុប្បន្ន

ទៅលេងមហាសមុទ្រអាត្លង់ទិច – La Baule-Escoublac

La Baule-Escoublac រឺហៅកាត់ថាឡាបូល​(La Baule) ជាកន្លែង​កំសាន្តមាត់​សមុទ្រដែល​មាន​ឆ្នេរខ្សាច់​​វែង​ជាងគេ​នៅ​អឺរ៉ុប​ ប្រវែង១២គីឡូម៉ែត្រ​។ កាលពីថ្ងៃអាទិត្យ នាំគ្នាទៅលេងទីនោះព្រោះអាកាសធាតុល្អមែនទែន…ចង់ល្អជ្រុល! ក្តៅណាស់ម្ចាស់ថ្លៃ​អ្ហើយ!  មេឃក្តៅប៉ុណ្ណឹងហើយ តែទឹកសមុទ្រនៅតែត្រជាក់ដូចទឹកកកអីចឹង!  តែសប្បាយគួរសមដែរ ញ៉ាំបាយហើយនាំគ្នាដើរលេង​តាមឆ្នេរទាំងកណ្តាលថ្ងៃត្រង់ជាក់ ​ហេ ​ហេ​….​នៅ​តែ​បន្តិច​ទៀត​ច្បាស់​ជា​ក្រៀម​ដូច​ត្រីងៀត​មិនខាន។

ពួកបារាំងចំលែកចិត្តមិនស្ទើរ​ទេមើលទៅព្រោះមិនដែល​ឃើញ​អ្នកទៅ​លេងមាត់​សមុទ្រស្លៀកខោខូវប៊យជើងវែង ហើយពាក់អាវដៃវែងទៀត។ ជួយមិនបានទេក្តៅ​ចង់ខ្លោចយ៉ាងនេះ!

រឿងនិទានមួយ

រឿងនិទានអំពីប្តីប្រពន្ធ២នាក់។ ថ្ងៃមួយបុរសជាប្តីបាន​ទទួល​សំបុត្រ​អញ្ជើញ​​ចូលរួម​ក្នុង​កម្មវិធី​មួយជាមួយ​ភរិយា។ បុរសនោះ​សប្បាយ​ចិត្ត​​ណាស់ព្រោះតាំងពីរៀបការមកមិន​ដែលមាន​ឱកាសទៅណា​ជាមួយ​​ភរិយាសោះ។ តែនាងជាប្រពន្ធ​មិន​សូវ​សប្បាយចិត្តទេ។ នាង​គិត​​ថា​​​បើ​​ខ្លួន​ក្រ​ដូច្នេះធ្វើម្តេចនឹងមានគ្រឿង​អលង្កា​ពាក់​បានសមរម្យនឹងគេ? ប្តី​​ឃើញ​​ប្រពន្ធ​​ពិបាក​ចិត្តដូច្នោះ ក៏យកប្រាក់​ដែល​គាត់​សន្សំ​​​​ទុក​​ទិញ​​​កាំភ្លើង​បាញ់សត្វអោយ​ប្រពន្ធទៅទិញ​ខ្សែក។ នាងប្រពន្ធ​យកប្រាក់នោះ​ទៅទិញបាន​ខ្សែកមាសមួយ​ខ្សែតូច តែនាង​មិន​ពេញ​ចិត្ត​សោះ។ នាងមានមិត្តភក្តិម្នាក់ជាអ្នកមានស្តុកស្តម្ភណាស់។ ក៏សំរេចចិត្តទៅខ្ចី​គ្រឿង​អលង្កាមិត្តនាង។ មិត្តនាងបានអោយនាង​ខ្ចីតាម​បំណង​មែន។ គេបានអោយនាងជ្រើសរើស​​គ្រឿង​អលង្កា​ដ៏​សំបូរបែបរបស់​​គេ។ នាងរើសបាន​​ខ្សែកមួយខ្សែយ៉ាងស្អាត។ ពេល​នាង​​ពាក់ចូលរួម​ក្នុង​កម្មវិធីនោះជាមួយ​ប្តី​​នាង អ្នកណាក៏សរសើថាខ្សែកនាងស្អាតដែរ។ នាង​ពិតជា​សប្បាយ​ចិត្ត​ណាស់។ តែ​ពេល​ត្រលប់​​មក​​ផ្ទះ​វិញស្រាប់​តែ​បាត់​ខ្សែកនោះ។ នាងនិងប្តីពិបាកចិត្តយ៉ាងខ្លាំង ហើយក៏សំរេចចិត្តទៅទិញខ្សែកនោះ​សងមិត្តនាង​វិញ។ ពួក​​គេ​រក​ទិញបាន ខ្សែក​ដែល​ប្រហាក់ប្រហែល​នឹងខ្សែកដែលបាត់តែ​​តំលៃ​របស់វា​រាប់ពាន់ឯណោះ។ ទោះ​ជា​យ៉ាងណា​ក៏​ពួក​គេ​សំរេច​ចិត្ត​ទិញដែរ។ នាងជំពាក់បំនុលគេ​យ៉ាងច្រើនព្រោះតែខ្សែកនេះ។ ​នាងក៏បានយកខ្សែកទៅសង​មិត្តនាង​វិញ។ មិត្តភក្តិ​នាងមិនបានបើក​មើលខ្សែកនោះទេ ក៏យកវាទៅទុក​តាមកន្លែងដើមវិញ។ និយាយពីនាងដែលខ្ចីខ្សែកនោះ ខំប្រឹងរកប្រាក់​សងបំណុល​គេជិត​១០ឆ្នាំ​ទើប​រួច។ ពេលសងបំណុលគេអស់ នាងក៏សំរេចចិត្តនិយាយការពិត​ប្រាប់​មិត្តនាង។ មិត្តនាងអាណិតនាង​យ៉ាង​ខ្លាំង ព្រោះ​ខ្សែកនោះ​មិន​មាន​​តំលៃដល់ម្លឹងឡើយ។ ខ្សែកនោះតំលៃតែប៉ុន្មានរយប៉ុណ្ណោះ។

នេះជារឿងនិទានពេលបាយថ្ងៃត្រង់ម្សិលមិញ…

First photos with my Nikon D5000

What do you think?

My Dahlina and her friend

Sokuntheary and Dahlina

This is the first time that I see my Dahlina lets another kid hold her hand. That time she played with her happily. Normally when someone approaches her, she always cries and closes her eyes or sometime tries to hide. This happens when she became 15 months old.  Her timidity sometime makes me feel so worried about her and sometime makes me wonder that is it the normal behavior of the children in her age or not? But I notice that after about 1 month at kindergarten, she seems quite open.

គំនូរទំនើបស្នាដៃផ្លូវការរបស់លីណា (ស៊ុមនេះជាស្នារដៃរបស់ម៉ាក់វា)

ពេលគូរគំនូរ

សាលាប្អូនខ្ញុំនៅជប៉ុនត្រូវប្រកាសបិទ១អាទិត្យដោយសារគ្រុនផ្តាសាយ A(H1N1)

ខេត្ត២នៅជប៉ុន បានឆ្លងរាលដាលជំងឺគ្រុនផ្តាសាយ A(H1N1)យ៉ាង​ឆាប់រហ័ស គី អូសាកានិងហ្យូកុ(ខូបិ)​។ សាលារៀន ភោជនីយដ្ឋាន សណ្ឋាគារ​មួយ​ចំនួន​ធំ​បាន​បិទទ្វារ​ជាបណ្តោះអាសន្ន។ ក្នុង​សប្តាហ៍​នេះ សូម្បី​តែ​សាលា​ប្អូន​ប្រុស​របស់​ខ្ញុំ​គឺ​សាកលវិទ្យាល័យ រ្យឺកុគឹ នៅ​ទី​ក្រុង​ក្យូតុ (នៅជាបអូសាកា) ក៏​ត្រូវ​បិទ​ទ្វារ​ជាបណ្តោះអាសន្ន​១អាទិត្យ​ដែរ។ ពិត​ជា​គួរ​អោយ​បារម្ភ​មែន។

ទិដ្ឋភាពនៅទីសាធារណៈ ​និង​ការរំរង់ជួរយ៉ាងវែងដើម្បីទិញស្រោមបិទមុខ

Mother’s day this year

Mother’s Day is celebrated on different days throughout the world but mostly on the second Sunday in May. This year, it will be on Sunday, 10th May. But unfortunately, this year I’m not next to my mum. Hopefully I can offer to her once when I go back to my home country

.

Flower for my mother last year

Dahlina – First day at BEBEBUL

BÉBÉBUL​ ជាទារកដ្ឋានមួយនៅក្បែរផ្ទះខ្ញុំ។ គេទទួលមើលក្មេងមួយអាទិត្យ៣ថ្ងៃ គឺ​ព្រឹកថ្ងៃអង្គារ ព្រឹកថ្ងៃព្រហស្បតិ៍​និងព្រឹកថ្ងៃ​សុក្រ​។​ខ្ញុំសាក​យក​លីណា​​ទៅដាក់​នៅ​ទីនោះកាលពីសប្តាហ៍មុន​ ឃើញថានាងចូលចិត្តទីនោះណាស់​។ខ្ញុំក៏ចុះឈ្មោះអោយនាង​រៀននៅ​ទីនោះ​ពេញ​ម៉ោងតែម្តង។

ព្រឹកម៉ិញគឺជាថ្ងៃទីមួយ។​ តាមធម្មតា លីណាមិនចូលចិត្តអ្នកប្លែកមុខទេ ជួនកាលយំទៀតផងពេលឃើញ​គេ តែព្រឹកម៉ិញ​មិនគួរអោយ​ជឿថានាងលេងជាមួយក្មេងដទៃទៀតយ៉ាងសប្បាយ ហើយដូចជាត្រូវគ្នាជាមួយអ្នកគ្រូនៅ​ទីនោះ​ណាស់។

សេវ្រីន   ដាលីណា​   និង ម៉ារី