ខ្ញុំធ្លាប់ត្រូវបានគ្រូពេទ្យជំរុញអោយធ្វើការរំលូតកូន
អត្ថបទនេះមិនមែនជាការវាយប្រហារដល់គ្រូពេទ្យដែលមានក្រមសីលធម៌វីជ្ជាជីវៈត្រឹមត្រូវនោះទេ។ នេះជាបទពិសោធផ្ទាល់របស់ខ្ញុំមួយដែលខ្ញុំចង់ចែករំលែកជូនស្ត្រីទាំងអស់ដែលមានគត៌ ទុកជាការពិចារណាមុននឹងធ្វើការសំរេចចិត្តអ្វីមួយទាក់ទងទៅនឹងគត៌របស់ខ្លួន។
ក្រោយពីរៀបការបាន៧ខែ ខ្ញុំនិងស្វាមីសំរេចចិត្តមានកូនដំបូង។ខ្ញុំជាស្ត្រីដែលមានរដូវមិនទៀងទាត់។ ខ្ញុំក៏បានប្រើឧបករណ៍ពិនិត្យទឹកនោមរៀងរាល់១អាទិត្យម្តងដើម្បី អោយដឹងថាមានផ្ទៃពោះរឺនៅ។ ក្រោយមកប្រហែលជា១ខែ ខ្ញុំក៏មានផ្ទៃពោះមែន។ តែខ្ញុំប្រាកដថាគត៌នោះអាយុមិនលើសពី១ខែទេ។ ខ្ញុំក៏ទៅពេទ្យ (កាល់ម៉ែត) នៅថ្ងៃទី២កុម្ភៈ២០០៧។ ដោយបំណងចង់បានដំបូន្មានពីគ្រូពេទ្យអំពីវិធីរក្សាគត៌។ អ្នកគ្រូពេទ្យម្នាក់នោះសួរពីរដូវចុងក្រោយរបស់ខ្ញុំ។ ខ្ញុំថារដូវចុងក្រោយរបស់ខ្ញុំអស់តាំងពីថ្ងៃទី២៥តុលា២០០៦ មកម៉្លេះ ហើយខ្ញុំបានប្រាប់គាត់ពីការពិនិត្យទឹកនោមដើម្បីអោយដឹងថាមានផ្ទៃពោះនេះ។ តែគាត់ដូចជាមិនរវល់ស្តាប់សោះ គាត់គិតតែផ្ទៀងផ្ទាត់តារាងគត៌។ គាត់និយាយថាគត៌នេះ អាយុជាង៣ខែហើយម៉េចក៏ពោះមិនទាន់ខ្ទៀតទៀត? ហើយក៏អោយខ្ញុំទៅពិនិត្យអេកូ។ ពេលឃើញលទ្ធផល គាត់ថាកូនខ្ញុំជាប្រភេទកូនពង មិនលូតលាស់ត្រូវប្រញ៉ាប់យកចេញ ហើយគាត់ក៏អោយលេខទូរស័ព្ទទាក់ទងដើម្បីរំលូតកូននោះ។ ឥឡួវកូនខ្ញុំមានអាយុ១ឆ្នាំ២១ខែហើយ នាងមានសុខភាពល្អណាស់។ ហេតុអ្វីបានជា អ្នកគ្រូពេទ្យម្នាក់នោះហ៊ានសន្និដ្ឋានបែបនេះ គ្រាន់តែពិនិត្យលើកទី១សោះ ដោយមិនតាមដានអោយបានច្បាស់លាស់សិន?
កូនស្រីខ្ញុំ ដាលីណាពេលបច្ចុប្បន្ន
សំរាប់គំរោងទឹកស្អាតនៅកម្ពុជា។
អ៊ូយ….កូនបងឯងស្អាតដល់ហើយនៀក? អោយខ្ញុំម៉ោ អ្ហី……ខ្ញុំក៏ចង់បានកូនដែរ ប៉ុន្តែសូម្បីតែសង្សារក៏គ្មានផង។ កុំអីហ្នឹងខ្ញុំយកប្រពន្ធមួយ នឹងគេហើយប៉ុន្តែខ្ញុំខ្លាច ពេលរៀបការហើយ គេបោកខ្ញុំបានកូនមួយរួច គេរត់ទៅបាត់។ ចឹងមានតែស៊ូនៅធ្វើកម្លោះ អែមច្រែម វិញល្អជាង៕ ហាហាហា
Samady KS
ខែ កក្កដា 8, 2009 ម៉ោង 1:43 ព្រឹក
បងមិនមែនព្រះវេសន្តរទេ! ដាក់ទានកូនអោយគេដើម្បីប្រយោជន៍ខ្លួន! អ្វីទៅដែលធ្វើអោយ Samady KS ចេះតែគិតថាច្រីៗបោកយកកួនហើយគេទៅចោលបាត់? ធ្លាប់ឃើញអីចឹងច្រើនរឺ?
monida
ខែ កក្កដា 8, 2009 ម៉ោង 5:52 ព្រឹក
មិនដឹងជាស្អីទេ Samady KS ឮសូរតែពីរឿងការនិងកូន។
និយាយចឹង គ្រូពេទ្យនឹងមិនដឹងស្អីគាត់ទេហ្ន៎។ អរគុណហើយដែលបានចែករំលែកទុកជាមេរៀនមួយដែរ កុំឲ្យង៉ៃក្រោយចាញ់បោកគ្រូពេទ្យធុននឹង ម៉េចហើយ Samady KS? ចាំៗទុកទៅ ព្រោះយើងមិនទាន់មានដូចគ្នា តិចទៀតដល់វេនហើយ
សុភ័ក្ត្រ
ខែ កក្កដា 8, 2009 ម៉ោង 2:22 ព្រឹក
ពេទ្យបែបនេះមានច្រើនណាស់បច្ចុប្បន្ននេះ! ដូច្នេះមិនត្រូវជឿពេទ្យទាំងស្រុងទេ!
monida
ខែ កក្កដា 8, 2009 ម៉ោង 5:56 ព្រឹក
និយាយពីរឿងពេទ្យចឹង ខ្ញុំនឹកឃើញរឿងបងស្រីជីដូនមួយនៅឯខេត្ត គាត់មានផ្ទែពោះកូនដំបូងបាន៦ខែហើយទៅពិនិត្យផ្ទែពោះ និងឆ្លុះអេកូនៅពេទ្យបង្អែកស្រាប់តែពេទ្យថាមើលអត់ដឹងកូនស្រី រឺប្រុសទេថាកូននឹងតូចពេក? ចឹងហើយពេទ្យនឹងធ្វើដូចគ្មានអីកើតថាចំា១ រឺ២ខែទៀត! ចែដន្យអីម៉ាក់ និងខ្ញុំចង់ទៅលេងគាត់ ហើយក៏ចង់ដឹងពីសុខទុកគាត់ដែរព្រោះនេះជាកូនដំបូងផង ហើយនៅខេត្តទៀត។ ម៉ាក់ញុំគាត់មើលពោះបងស្រីដូចមិនស្រួលទេ ហើយគាត់ថាមិនដែល៦ខែមើលមិនដឹង សម័យនេះទៅហើយ រួចក៏ប្រញាប់យកគាត់មកភ្នំពេញទើបដឹងថា កូនស្លាប់ក្នុងផ្ទែ? នេះចេះមកទាន់ពេល ចុះបើគ្នាមិនដឹងចេះតែជឿជាក់លើពេទ្យទាំងស្រុង តើនឹងមានរឿងអីកើតឡើង?
ធារ៉ា
ខែ កក្កដា 8, 2009 ម៉ោង 4:41 ព្រឹក
ពិតជាសំណាងមែនដែលធារ៉ានិងម៉ាក់អូន បានទៅទាន់ពេល!!
បងមានរឿងមួយផ្ទុយពីរឿងអូន ជារឿងពិត៖ ស្ត្រីម្នាក់ផ្ទែពោះជិតគ្រប់ខែ។ ពេលទៅឆ្លុះអេកូ ពេទ្យថាកូនគាត់ស្លាប់ក្នុងផ្ទៃ ត្រូវវះកាត់រីរំលូតជាបន្ទាន់ក៏បញ្ជូនស្ត្រីនោះទៅពេទ្យជប៉ុន (នៅភ្នំពេញ)។ ទៅដល់មន្ទីរពេទ្យភ្លាម គេឃើញឯកសារដូច្នេះ ពេទ្យនៅទីនោះក៏ចាត់ការរំលូតភ្លាម។ តែដល់ពេលរំលូត រំលូតអត់កើតព្រោះកូនធំពេក! គេក៏វះ។ វះចេញមក កូននោះមានស្លាប់ឯណា!! តែតែគ្នាអស់ចិញ្ចើម វៀចថ្ពាល់ម្ខាង! មិនដឹងពេលរំលូតគេធ្វើម៉េចខ្លះ!?
monida
ខែ កក្កដា 8, 2009 ម៉ោង 6:08 ព្រឹក
អូហ៏! អាណិតកូននឹងដល់ហើយ ឯម្តាយនឹងក៏ឈឺចិត្តមិនតិចដែរ ខំមករកពេទ្យជំនាញហើយ បែរទៅជាចឹងទៅវិញ?
អាពេទ្យជប៉ុននឹងមានព័ត៍មានមិនល្អច្រើនណាស់ អ្នកខ្លះគ្នាមកពីស្រុកស្រែចំការអត់មានលុយគ្រប់គ្រាន់នឹង វាធ្វើបាបដល់កហើយ គិតតែពីលុយទេ! មិនខ្វល់ពីជីវិតមនុស្សសោះ ហើយមិនមែនជីវិតមួយឯណា។
ធារ៉ា
ខែ កក្កដា 8, 2009 ម៉ោង 8:26 ព្រឹក
អរគុណអ្នកបងៗ បានចែករំលែកបទពិសោធន៏នេះ ខ្ញុំជាប្រុសអត់ដឹងអីទេ!
តែឃើញទូរទស្សន៏គេផ្សាយអោយទៅពិនិត្យកូនទៀងទាត់ ចឹងប្រហែល
អ្នកបោកអន់ៗ ឬពេទ្យស្ទើៗ លែងរកស៊ីបានហើយមើលទៅ!
សាយ័ន្ត
ខែ កក្កដា 8, 2009 ម៉ោង 5:37 ព្រឹក
ប្អូនជាប្រុសមិនយូរមិនឆាប់ក៏គង់មានភរិយា ដូច្នេះគួរតែមានការយល់ដឹងបន្តិចបន្តួចលើសុខភាពស្ត្រី។ គេប្រហែលជានៅតែរកស៊ីបានអីចឹង! គេបោកយើងមិនបានគេទៅបោកអ្នកផ្សេងទៀតទៅ!
monida
ខែ កក្កដា 8, 2009 ម៉ោង 6:14 ព្រឹក
អ៊ូយ….ខ្ញុំទើបតែបាត់រដូវ អស់រយះពេលប៉ុន្មានអាទិត្យហើយ….តិចលោ ខ្ញុំមានដែរគត៏ទេដឹង? ហាហាហាហា
Samady KS
ខែ កក្កដា 8, 2009 ម៉ោង 5:50 ព្រឹក
ឃើញរូប avatar ស្មានតែ Samady KS ជាប្រុស! តាមពិតជាស្រីតើ!! តិចលោមានគត៌ទៅបាត់រដូវយូរចឹង!! ប្រញាប់ទៅពេទ្យទៅ!!
monida
ខែ កក្កដា 8, 2009 ម៉ោង 6:18 ព្រឹក
អុញនោះ…..ដល់ណាដល់នៃហើយនៀក? បង Monida គិតថាខ្ញុំជាស្រីមែនទែន អ្ហ៎? ហាហាហាហា ទៅជាអាចឹងទៅ?
Samady KS
ខែ កក្កដា 8, 2009 ម៉ោង 6:47 ព្រឹក
បងថាលេងតើ!
monida
ខែ កក្កដា 8, 2009 ម៉ោង 7:13 ព្រឹក
បងសាម៉ាឌីគាត់មានកូនមកចេញរាល់តែព្រឹកនឹង ហាហាហាហា
សុវុឌ្ឍី
ខែ កក្កដា 8, 2009 ម៉ោង 6:24 ព្រឹក
ពិតជា ប្រកាសល្អ សំរាប់ចែករំលែក បទពិសោធជីវិត ដល់គ្រប់ស្រ្តីខ្មែរ !
ដើមត្នោត មួយ
ខែ កក្កដា 8, 2009 ម៉ោង 6:53 ព្រឹក
ខ្ញុំមិនមែនជាស្រីទេ តែអារឿងអស់ហ្នឹងខ្ញុំក៏ចេះមិនចាញ់ស្រីៗដែរ ។ ស្វាមីៗម្នាក់គួរតែរៀនពីរឿងហ្នឹងខ្លះៗទៅ ដើម្បីអោយដឹងនឹងអាចជួយភរិយាបាន ។
តាំងពីដើមមក ខ្ញុំមិនដែលឮពីរឿងគ្រូរពេទ្យបែបហ្នឹងសោះ ព្រោះនាមជាគ្រួពេទ្យ គឺជាអ្នកជួយជីវិតគេ មិនមែនជាអ្នកសម្លាប់គេទេ ។
សំណាងល្អណាស់ ដែលប្អូនឯងមិនធ្វើតាមគ្រួពេទ្យឆ្កួតមួយហ្នឹង ។
ម៉ន
ខែ កក្កដា 8, 2009 ម៉ោង 7:36 ព្រឹក
នៅស្រុកយើងមានរឿងស្រដៀងនជច្រើនណាស់បង!
monida
ខែ កក្កដា 8, 2009 ម៉ោង 7:55 ព្រឹក
ឬមួយមកពីគ្មានអ្នកតាមដាន (ត្រួតពិនិត្យ) គ្រួពេទ្យអស់ហ្នឹង ?
ម៉ន
ខែ កក្កដា 8, 2009 ម៉ោង 8:22 ព្រឹក
ប្រហែលជាគ្មានទេបង! ហើយដូចករណីខ្ញុំ ប៉ាក្មេកខ្ញុំចេះតែជំរុញអោយខ្ញុំប្តឹង តែខ្ញុំមិនចង់មានរឿងវែងឆ្ងាយទេ។ ប្តឹងផ្តល់អស់លុយច្រើនណាស់ ហើយខាតពេលទៀត។
monida
ខែ កក្កដា 8, 2009 ម៉ោង 8:35 ព្រឹក
ប្រាក់ខែមិនដល់ គេខ្ចិលខ្វល់ជាមួយ…..បើសិនជាគ្រូពេទ្យ ឬ បុគ្គលិកផ្នែកសុខភាពនៅស្រុកខ្មែរទទួលប្រាក់ខែម្នាក់ 2000 ដុល្លា មើល !ខ្ញុំធានាថាគេពិតជាយកចិត្តទុកដាក់ជាមួយការងារផស់គេជាមិនខានទេ
Samady KS
ខែ កក្កដា 8, 2009 ម៉ោង 8:25 ព្រឹក
ដូច Samady KS និយាយអីចឹង! តែក៏មិនត្រូវមុខលុយខុសរបៀបពេកដែរ ព្រោះជារឿងអាយុជីវិត។
monida
ខែ កក្កដា 8, 2009 ម៉ោង 8:47 ព្រឹក
ខ្ញុំឮតែពីរឿងប្រាក់ខែហ្នឹងឯង ចឹងបានជាជាងកាត់សក់ កាត់សក់ខ្ញុំខូចអស់ កាលដែលទៅលេងស្រុកខ្មែរ ។ ចង់ឆ្ងល់ ជាងមិនចេះកាត់សក់ ឬមកពីប្រាក់មិនគ្រប់ ?
បើម្នាក់ៗមិនខ្វល់ពីរឿងមុខការខ្លួន តើពេលណាទៅទើបប្រទេសមានភាពរុងរឿង ?
អ្នកគ្មានការងារធ្វើថារកការមិនបានធ្វើ ចំណែក អ្នកដែលមានការធ្វើ ថាអត់មានប្រាកខែគ្រប់គ្រាន់ ចឹងតើជាកំហុះអ្នកណា ?
ម៉ន
ខែ កក្កដា 9, 2009 ម៉ោង 5:36 ព្រឹក
កូនម្ចាស់ប្លុកស្អាតណាស់តើ ភ្នែកតូចៗ ហាហាហា ខ្ញុំហ៊ានទាយថា ប៉ាម៉ាក់គេក៏ភ្នែកមិនធំដែរ ហាហាហា (jk)
machmorn
ខែ កក្កដា 8, 2009 ម៉ោង 11:07 ព្រឹក
អរគុណ! ម៉ាក់ភ្នែកដូចកូនឥចឹង! តែភ្នែកប៉ាអត់ឥចឹងទេ។
monida
ខែ កក្កដា 8, 2009 ម៉ោង 11:09 ព្រឹក
ប៉ុណ្នឹង មិនសូវឈឺចាប់ទេ!!
តែមានអ្នកក្រីក្រ គ្នាមកកើតនៅពេទ្យជប៉ុន គ្នាឈឺពោះមិនបាន ដប់ម៉ោងផង បំភ័យគ្នាឲ្យវះ! នេះព្រោះតែ កើតតាមសំរួលបានលុយតិចពេក ទាល់តែវះ បានបានលុយ ច្រើន!! ជាពិសេសពេទ្យឯកជន អាងអីវះៗ ដល់មើលមិនសូវស្រួលបញ្ជូនយើង ទៅពេទ្យរដ្ឋអាដែល! ពេលវះ ហ៊ានតែឲ្យលុយតិច ចាំមើលថ្នេរចុះ មិនបានប្រហែលគេដេរជ្រូកផង!
អគ្គលីបុត្រ
ខែ កក្កដា 9, 2009 ម៉ោង 2:29 ព្រឹក
ពិតណាស់អគ្គលីបុត្រ! មានអ្នកដែលជួបរឿងឈឺចាប់ជាងខ្ញុំច្រើនណាស់ជាមួយពេទ្យស្រុកយើង។
monida
ខែ កក្កដា 9, 2009 ម៉ោង 6:54 ព្រឹក
No comment ចំពោះពេទ្យនៅស្រុកខ្មែរ! ពួកគេគ្មានគិតអ្វីក្រៅពីក្រដាសពណ៌បៃតងតែប៉ុណ្ណោះ ! គួរឲ្យសោកស្ដាយ ចំពោះពេទ្យដែលអនុវត្តន៍និងស្រឡាញ់អាជីពរបស់ខ្លួនពិតៗ ដែលត្រូវបានមតិមហាជនយល់ខុស ហើយថែមទាំងបញ្ចូលទៅក្នុងករណីជាមួយពពួកពេទ្យដែលគិតតែពីក្រដាសពណ៌បៃតង មិនគិតខ្វល់ពីអាយុជីវិតនៃអ្នកជម្ងឺ ហើយថែមទាំងមិនគោរពក្រមសីសធម៌របស់ពេទ្យទៀតផង !
កូនខ្មែរ-បារាំង
ខែ កក្កដា 12, 2009 ម៉ោង 12:45 ល្ងាច
ពិបាកដែរ ព្រោះត្រី១កន្ត្រកបើស្អុយមួយ គេថាស្អុយទាំងអស់។
monida
ខែ កក្កដា 12, 2009 ម៉ោង 1:13 ល្ងាច